Sámiráđđi lea juohkán kulturdoarjagiid jahkái 2019 – Geahča buot doarjagiid oažžuid

Поздравляем с новыми проектами. Культурный комитет Союза саамов рассмотрел проекты на 2019 год.

Sámiráđi kulturlávdegoddi lea juohkán sámi kulturbargui boahtte jahkái golbma bargostipeandda ja 41 prošeaktadoarjaga.

Ruhta reahkkái dušše goalmmátoassái ohcamušain

Sámiráđi kulturdoarjagiid sáhtii ohcat čakčat. Sámiráđđi oaččui ohcanáiggis 67 prošeaktadoarjjaohcamuša ja 16 bargostipeandaohcamuša oktiibuot 600 000 euro (6 000 000 Norgga ruvnnu) ovddas.

Kulturlávdegoddi juolludii doarjagiid 41 prošektii lagabui 130 000 euro (1 200 000 Norgga ruvnnu) ja golbma bargostipeandda badjelaš 60 000 euro (600 000 Norgga ruvnnu) ovddas.

Kulturlávdegotti jođiheaddji Lill Tove Fredriksen mieđiha, ahte ohcamušaid vuoruheapmi lei váttis.

– Ledje dán jagi maid olu buorit ohcamat miehtá Sámis ja vuoruheapmi lea álo váttis. Lei dán jagi maid earenoamáš gealdu oaidnit bohtetgo seamma olu ohcamat go lávejit dál, go leimmet sirdán áigemeari juovlamánus čakčii, muhto eai lean stuora erohusat ohcanlogus.

Kulturlávdegoddi vuoruhii dán jagi bargostipeanddaid juolludemiin áigeguovdilis sámedáiddáriid. Bargostipeanddaid, mat leat dárkkuhuvvon doarjjan dáiddalaš bargguide, ožžo Máret Ánne SaraAkkil ja Sara Ajnnak. Lill Tove Fredriksen muitala, ahte bargostipeandda ohcciin lei alla dássi.

– Sámiráđi bargostipeanda lea dehálaš doarjja min kulturbargiide, ja sis lei alla dássi. Dán jagi mii leat juolludan bargostipeandda golbma kulturbargái, geat buohkat leat hui áigeguovdilis dáiddárat Sámis, dadjá kulturlávdegotti jođiheaddji Lill Tove Fredriksen.

источник yle.fi

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s